කි‍්‍රස්තුන් වහන්සේ කුරුසිය මත හෙළු ශ්‍රි රුධිරය.
අපගේ මුල් දෙමව්පියන් යක්‍ෂයා විසින් මුලා කරනු ලැබ දෙවියන්වහන්සේට අකීකරු වීම නිසා මනුෂ්‍යයා සහ දෙවියන් වහන්සේත් මනුෂ්‍යයා මනුෂ්‍යයා අතරත් තිබුණ පේ‍්‍රමයේ සබඳතාවය බිඳ වැටුණි. පාපය අතරමැද බිත්තියක ආකාරයෙන් බාධකයක්ව ගැළවුම්කරුවාණන් වහන්සේගේ කුරුසි පූජාව තෙක් පැවතුණි. කි‍්‍රස්තුත් වහන්සේගේ ‘ශ‍්‍රී ලේ’ වලට පමණකි එම පාප බිත්තිය බිඳ හෙලීමට හැකිවූයේ, මන්ද එය දෙවි පියාණන් වහන්සේ විසින්ම මනුෂ්‍යයා පාපයට වැටුණ දිනයේම නියම කරන ලද පාප කමාවේ සැළැස්ම වීම නිසාය. ශ‍්‍රී ලේ පිළිබඳව ශුද්ධ ලියවිල්ලේ සත්‍යතාවය දැණ විශ්වාස කරමු.ස්ත‍්‍රියගේ වංශය ගැන කථා කරමින් ‘ඔහු තාගේ හිස පොඩි කරන්නේය. තෝ ද ඔහුගේ විලූඹ දෂ්ඨ කරන්නෙහිය’ යනුවෙන් උත්පත්ති පොතේ 3:15 පදය පවසයි. එම ප‍්‍රකාශයේ සඳහන් ‘වංශය’ කවරෙක්ද යන්න නව ගිවිසුමේ විග‍්‍රහ කරන්නේ මේ ආකාරයටය.
‘පොරොන්දු දෙන ලද්දේ ආබ‍්‍රහම්ට සහ ඔහුගේ වංශයටය. බහු වචනාර්ථයෙන් ‘වංශයන්ටය’ නොකියා ඒක වචනාර්ථයෙන් ‘නුඹේ වංශයටය’යි උන්වහන්සේ වදාල සේක. ‘වංශය’ යනුවෙන් අදහස් කර ලද්දේ කි‍්‍රස්තුත් වහන්සේය’ ගලාති 3:16 පදය.
පැරණි ගිවිසුම පුරාම මනුෂ්‍යයන්ගේත් උත්තම පූජකයාගේත් පාප සේදීම උදෙසා සත්වයන්ගේ ලේ සෑම වසරක් පාසාම පූජා කරන්නට සිදුවූ බවට ශුද්ධ ලියවිල්ල සාක්‍ෂි දරයි. එයින් ලැබුණේ තාවකාලික කමාවක් පමණි. ‘‘මන්ද, වත්පිළිවෙත් අනුව අපවිත‍්‍ර යයි සලකන අය මත එළුවන්ගේත් ගෝනුන්ගේත් ලේ ද එළු වැස්සියන්ගේ අළු ද ඉසීමෙන් ඔවුහු පාරිශුද්ධිය ලබන්නාහුය. එසේනම්, ජීවමාන දෙවියන් වහන්සේට සේවය කරන පිණිස ඔබගේ හෘදය සාක්ෂිය නිෂ්ඵල කි‍්‍රයා වලින් පිරිසිදු කරනු ලැබීම, සදාතන ආත්මයාණන් මගින් තමන්ම කැළලක් නැතිව දෙවියන් වහන්සේට පූජාවූ, කි‍්‍රස්තුන් වහන්සේගේ ලේ කරණකොට ගෙන ඊටත් ඉතා වැඩියෙන් පිරිසිදු නොවන්නේද ? හෙබ්‍රෙව් 9:13 සහ 14 පද.
ශී‍්‍ර ලේ වල බලය අසීමිතය. පාපය නිසා අපවිත‍්‍රව ඇති අපගේ හෘදය සාක්ෂිය පවිත‍්‍ර කර ගැනීම පිණිස කි‍්‍රස්තුන් වහන්සේගේ ශී‍්‍ර ලේ අද මුළු මිනිස් සංහතියටම ඇති ආධ්‍යත්මක පාරිශුද්ධියට එකම මාර්ගයයි.
‘මාර්ගයද ජීවනයද සත්‍යයද මම වෙමි’ යි කි‍්‍රස්තුන් වහන්සේ පැවසුවේ එහෙයිනි. (ශුද්ධවර යොහොන් 14:6 පදය)ශී‍්‍ර ලේ අපට සපයා දී ඇත්තේ හුදෙක් සැමරීමට පමණක් නොව අදහා සාත් පවිත‍්‍ර කරගෙන පාපයෙන් ගලවනු ලබන පිණිසය.
‘මනුෂ්‍යයෙක් සිතින් ඇඳහීමෙන් දේව-සම්බන්ධතාවයට පැමිණෙන්නේය. මුවින් පැවසීමෙන් ගලවනු ලබන්නේය’ රෝම 10:10 වන පදය.
‘සදාතන ගිවිසුමේ ලේ (ශී‍්‍ර ලේ) කරණකොටගෙන බැටළුවන්ගේ මහා එෙඬිරාණන් වන, අප ජේසුස් ස්වාමීන් වහන්සේ මළවුන් කෙරෙන් උත්ථාන කළ සමාදානයේ දෙවියන් වහන්සේ, ඔබ උන්වහන්සේගේ කැමැත්ත ඉටු කරන පිණිස සියළු යහපත් කි‍්‍රයා වලින් ඔබ පරිපූර්ණ කරන සේක්වා, (හෙබ්‍රෙව් 10:20, 231 පද)ජෝ. සංඝපාලආරච්චි - පමුණුගම.
‘‘ශී‍්‍ර ලේ හඬ’’ සගරාවෙන් උපුටා ගන්නා ලදී
රංජන් ද මැල්
(අන්තර්ජාලිය සයිබ අවකාශය තුලත්, දේව වචනය මාංශගතකිරිමකි.)
No comments:
Post a Comment